Акыркы кабарлар
» Коом » Дагы бир кыргыз жигиттин Украинада каза болгону маалымдалды
Дагы бир кыргыз жигиттин Украинада каза болгону маалымдалды
19-апрель, 12:05
Кыргызстанда туулуп-өскөн орус армиясынын дагы бир аскери Украинада каза болду. Бул тууралуу “Азаттык” өздүк булактарына таянуу менен жазды.
18-апрелде Ош облусуна караштуу Өзгөн районунун Жазы айыл өкмөтүнүн башчысы Аватбек Жолоевдин “Азаттыкка” билдиришинче, маркумдун жакындары анын сөөгүн Кара-Дыйкан айылында жерге берүү үчүн күтүп жатышат. «Сөөк келе элек, качан жеткирилери бүгүн билинет. Анын Россияга кеткенине көп болгон. Ошол жактан жарандык алган. Ал жактан аскерге кеткен. Ата-энеси ушул жерде жашайт» деди Жолоев.
Буга чейин 25-мартта Украинада каза болгон Эгемберди Дорбоев аттуу кыргыз жигиттин сөөгү Ысык-Көлдө жерге берилген. Бул окуяга удаа эле 27-мартта Кыргызстанда туулуп, кийин Россиянын жарандыгын алган Рустам Зарифулин Украинада каза болуп, сөөгү Кара-Балтада жерге берилген. Экөөнүн тең сөөгү Россиянын Канттагы аба майданы аркылуу мекенине жеткирилген болчу.
