Курсан Асанов сотун шоуга айландырып, мыкты актер экенин көрсөттү
28-февралдагы сотунда Курсан Асанов бакылдап, Кашкар Жунушалиев менен Жеңиш Разаковдун короосуна таш ыргытып, экөөнү басынтып, кыйла упай алды. 7-8-август күндөрдөгү Кой-Таш окуясын айтып, өзүнүн ак экенин билдирди. Алмазбек Атамбаевди күч менен алууга ИИМ жетекчилиги кызыкдар болгонун, кан төгүлүүгө коркунуч жаралганда алдын алганын, ошон үчүн сүйлөшүү жолуна барганын эске салып, сыймыктанарын да жашырган жок. Бул арада сот залындагы тарапташтары улам кол чаап, сүрөп атышты... Баса, ал жерде отурган Жеңиш Разаков жаман ыңгайсыз тартып, чүнчүп атканы байкалды. Бир жагынан аны жемелешип, улам каарып атышты. Кыскасы, Курсан Асановдун соту шоуга айланып, өзүн мыкты актер экенин көрсөттү. Эмки отурумда кандай сценарийдин бет ачары болоруна көпчүлүк кызыгууда... Жеңиш Разаков духу түшүп, келбей койбойбу?..
Aryba.kg