Белгилүү теле алып баруучу коронавируска чалдыкты
Данияда коронавирусту жуктурган алгачкы учур катталды. Бул тууралуу чет элдик басылмалар жазып чыгышты.
Маалыматка ылайык, аталган өлкөдөгү TV 2 телеканалынын кызматкери Якоб Таге Рамлинг илдетке чалдыккан. Ал өткөн жумада өзүнүн үй-бүлөсү менен Италиянын түндүгүндө жайгашкан тоо лыжа курортунда эс алып келген. Ал үйүнө дүйшөмбү күнү келген, оорунун симптомдору шаршемби күнү эртең менен пайда болгон, ал эми бейшембиге караган түнү ага коронавирус жуккандыгы аныкталган. Мындан улам үйү карантинге алынды. Анын аялынын жана баласынын анализдеринин жыйынтыгы терс болуп чыккан...
Саламаттык сактоо башкармалыгы коронавирус жуккан адам ким менен байланышта болгондугун текшере баштады. Ведомствонун башчысы Сёрен Брустёмдин айтымында, оорунун жугуу коркунучу ооруган адам менен тыгыз байланышта – эң аз дегени 2 метр аралыкта болгондо жогорулайт.
Aryba.kg
