Эң бай Араб өлкөсү жашоого жараксыз болуп бара жатканы айтылды
Дүйнөдөгү эң бай өлкөлөрдүн бири болгон Кувейт глобалдык жылуулуктун жана бийликтин абага зыяндуу заттардын көлөмүн азайтууну каалабагандыгынан улам жашоого жараксыз болуп бара жатат. Бул тууралуу чет элдик басылмалар жазышты.
Кувейт – планетадагы эң ысык өлкөлөрдүн бири. Өткөн жылдын июнь айында өлкөдө абанын температурасы 50 градустан ашкан. Климат боюнча жергиликтүү эксперттердин болжолдоосуна ылайык, 2071-2100-жылдары өлкөдө орточо температура климаттык нормадан 4,5 градуска ашып, мамлекеттин аймагын жашоого жараксыз кылат.
Жергиликтүү жаратылыш ансыз деле коркунуч алдында турат: канаттуулар жайкысын суу менен көлөкө таба албай өлүшөт, ал эми сүт эмүүчүлөр ысыкка чыдабай калышат. Мындан тышкары, жапайы жаныбарлар табигый чөйрө таба алышпай, шаарларга чейин келишүүдө.
Кувейт – дүйнөдөгү эң ири мунай чыгаруучу мамлекеттердин бири. Бул өлкөнүн абага зыяндуу заттарды бөлүп чыгаруусун кыскартууга каражаттын жетишсиздиги эмес, бийликтин аракетсиздиги себеп болууда.
