Прогноз погоды в городе Бишкек
Акыркы кабарлар
» » Махабат Мавлянова, ЖК депутаты: “Башка өлкөлөрдө терроризмге шектелип кармалгандар биздин жарандар болуп чыгууда”

Махабат Мавлянова, ЖК депутаты: “Башка өлкөлөрдө терроризмге шектелип кармалгандар биздин жарандар болуп чыгууда”

07-февраль, 15:17
207 ᠌ ᠌ ᠌ ᠌᠌ ᠌ ᠌᠌

Ташкент шаарында тышкы иштер министри Чыңгыз Айдарбеков АКШнын мамкатчысы Майк Помпео менен кыргыз жарандарына карата АКШ тарабынан киргизилген визалык чектөөлөрдү жокко чыгаруу боюнча биргелешкен кадамдарды талкуулашканы айтылды. Буга чейин АКШ бийлиги 7 мамлекеттин, анын ичинде Кыргызстандын жарандары үчүн Америкага кирүүгө чектөө киргизгени белгилүү. АКШ бийлигинин бул чечимине биздеги паспорт жаатындагы башаламандыктар негиз болгонун айтышууда. 

-- Махабат айым, АКШнын Кыргызстандын жарандарына визалык режимди чектеген чечимин кандай кабыл алдыңыз?

-- АКШ президенти Дональд Трамп жаңы шайлоо убагында өз элине “миграция жаатында катуу күрөшөм, мигранттарды кыскартам, Мексика тарапка дубал тургузуп, чек араны бекемдейм” деп элине сөз берген. Ошол сөзүн аткарып жатат да. Ал эми киргизилген визалык чектөөгө Кыргызстан дагы кошулуп калганы өкүнүчтүү. Учурда биздин он миңдеген жарандарыбыз Америка штаттарында иштеп, мигрант болуп жүрүшөт. Айлык акылары жогору болуп, жашоо-шарттары жакшы болгондуктан, убактылуу чыга албай иштеп жүрүшкөндөр да көп. Эми бул нерсе убактылуу болсо керек, сүйлөшүүлөр аркылуу чечилсе керек. 

-- Тышкы иштер министри АКШнын мамкатчысы менен ушул маселеде сүйлөшүшкөнү айтылды. Депутат катары сиздерге белгилүүбү, чектөөнү алып салуу боюнча кандай мунасага келишиптир?

-- Жок, бизге азырынча белгисиз. АКШ тарап айрым талаптарды коюп, алар аткарылган соң чектөө алынарын ММКлардан окудум. Бирок, алар кандай талаптарды коюшканы менен тааныша элекмин. Балким, аткарууга мүмкүн болбогон талаптарды коюшкандыр...

-- Терроризм менен күрөшүүдө шектүүлөрдөн биздин паспорттордун чыгып жатышы бул нерсеге себеп болушу мүмкүнбү?

-- Албетте, дал ушул маселе башкы фактор болууда. Бизде паспортторду жасап сатуу жагынан фактылар көп чынында. Башка өлкөлөрдө терроризмге шектелип кармалгандар башка улут болгону менен, факты жүзүндө биздин жарандар болуп чыгып жатат. Ошондуктан, паспортторду мыйзамсыз берген жагын дыкат көзөмөлгө алып, көңүл буруп, катуу жаза көрүлүшү шарт деп эсептейм. 


Динар Турдугулова

"Азия Ньюс" гезити

Бөлүшүү:



Тектеш материалдар:

Эң көп окулгандар
“Казакстанда коронавирус катталды” деген билдирүү тарап жатат
(Видео) Индиядан келген дааватчылар милицияга баш ийбей коюшкан
Жөтөлдөн айыгууга сонун рецепттерди сунуштайбыз. Сактап коюңуз!
“30-апрелде карантин токтосо, 100 миңдеген адамдардын өмүрүнө коркунуч келтиребиз”
(Видео) Садыр Жапаров кудаларына тебетей тараткан тасма тарады
Калдарбек Абдраманов: “Эч кандай экинчи-үчүнчү толкун жок, болбойт дагы!”
(Видео) Молдокенин моокум кандыра албаган тасмасы...
Aryba.kg - Маалымат порталы
Сайтка баа бер