Баары биринчи аялыма жетпеди. Аны сагынам...
Эми ойлосом, болбогон эле майда-барат нерселерден урушуп, көңүлүбүздү калтырыптырбыз. Ашыкча кызгана берчү экенмин. Биринчи аялым менен он жыл жашап, ажырашып кеткенбиз.
Эки жылга жетпей кайра башкага үйлөндүм. Көп өтпөй эле мамилебиз келишпей калды. Бул аялым оңдуу чыкпай, тили узун болуп, чатакка жакын экен. Анан калса, мурдагы тааныштары чала берет. Кээде себепсиз эле жарым күндөп жок болуп кетет. Айтор, азабымды бере баштады. Үйгө туугандары да көп келип, жатып ичер кайын журтка кыжырым кайнатып бүттү. Бир жылдан ашканда дагы ажырашып тындым.
Учурда эмне кыларымды билбей жүрөм. Башында кыз-келиндер менен сүйлөшсөң эч нерсеси билинбейт, турмуш кургандан кийин эле балээнин баары чыгат тура. Азыр да бир кыз менен сүйлөшүп атам. Кайра үйлөнүш керек. Бирок баары биринчи аялыма жетпеди. Аны сагынам...
Айбек
"Азия Ньюс" гезити
