Акыркы кабарлар
» Коом » Баткенде жол кырсыгынан үч адам каза болду
Баткенде жол кырсыгынан үч адам каза болду
11-октябрь, 11:56
Баткен облусундагы Кадамжай–Айдаркен унаа жолунун 25-чакырымында жол кырсыгы болуп, үч адам каза болуп, жети киши жаракат алды. Бул тууралуу өзгөчө кырдаалдар министрлиги кабарлады.
Кырсык кечки саат 17:30 чамасында болгон. “Toyota Avensis” менен “Honda Odyssey” үлгүлөрүндөгү унаалар кагылышкан. Натыжайда 47 жаштагы бир эркек киши, 56 жана 44 жаштагы эки аял көз жумду. Ал эми жаракат алгандардын эң улуусу 81 жашта.
3-октябрдагы акыркы эсеп боюнча Кыргызстанда сегиз айда 4637 жол кырсыгы катталып, былтыркы жылга салыштырмалуу кырсыктар 30%га көп болду.
500 киши жол кырсыгынан каза болду, 500 миңден көп эреже бузуу катталып, 8 миң айдоочу мас абалында кармалды. (BCh)
