Кандай адамдар сиздин энергияңызды соруп турат?
Жашоодо адамдын башында түрдүү көйгөйлөр болуп турат. Албетте, андай кырдаалга бизге жакын жүргөн адамдар да кабылат. Бирок, алардын ар дайым сизге даттана берүүсү туура эмес. Себеби, өз көйгөйүн айта берген адам сиздин бардык энергияңызды соруп алат. Алар өздөрүн байкуш кылып көрсөтүп, сиздин аёо сезимиңизди туудурууга тырышышат. Сизге келип проблемасын айтып турган адамды укпай коё албайсыз. Уга берүүгө да ниетиңиз жок. Мындай жагдайда эмне кылыш керек?
1. Дистанцияны сактаңыз
Мындай адамдар менен ар дайым дистанцияны сактаңыз. Алардын аңгемесин азыраак уксаңыз, ошончолук жакшы. Алар да сиздин алыстаганыңызды көрүп, кийинкиде айтууга батынбайт.
2. Анын көйгөйү аныкы гана экенин түшүндүрүңүз
Ал адамдын көйгөйүн уккан соң, анын көйгөйү аныкы гана экенин түшүндүрүңүз. Башындагы көйгөйүн тактап сурабай, өз күчү менен чечип көрүүсүнө кеңеш бериңиз.
3. Анын көйгөйүн чечүүгө даяр экениңизди көрсөтпөңүз
Чек араны белгилеңиз. Эгер сиз ар кимдин негативин угуп тажасаңыз, уккуңуз келбегенин, анын сизге жакпай турганын айтыңыз.
