Кубатбек Байболов, коомдук ишмер: “Бир кылмышка көз жумуп, экинчисин ашкерелеген өлкөдө стабилдүүлүк болбойт”
-- Президент “камабасаңар Курманбек Бакиев менен Сапар Исаковду өткөрүп берели” деген маселе көтөрүлүп жатканын айтты. Чындап эле ячейкадагы акча, алтындарды кимдер алганын айтып бериш үчүн Бакиевди, тарых музейи жана ТЭЦти модернизациялоо боюнча кеткен каражаттын бөлүштүргөнүн билүү үчүн Сапар Исаковду алып келсек, алардын оңой акталышына жол ачылып калбайбы?
-- Мамлекеттеги саясый абал, туруктуулук, мыйзамды, адам укугун калыбына келтирүүдөн жабыркай турган болсо, анда ал өлкөнүн акыбалы көптөгөн башка жагдайларга байланыштуу тобокел экендигинен кабар берет.
Баса, өткөндө Темирлан Султанбековго байланыштуу бир интервьюсунда Садыр Жапаров «башка өлкөлөр ички иштерибизге кийлигишпесин» дебеди беле? Демек, Курманбек Бакиевдин иши боюнча да биздин гана мыйзамдар колдонулуусу зарыл. Бирок бул резонанстуу иштин тегерегинде күмөндүү жагдайлар бар экенин моюнга алуу керек. Маселен, «Курманбек Бакиев бийлигин аша чаап колдонуп, кесепетинде адам өмүрүнө залал келтирилди» деп айыпталганы менен, аны ал аракетке түрткөн себептер көз жаздымда калганы жалганбы? Айтайын дегеним, бир кылмышка көз жумуп, экинчисин ашкерелеген өлкөдө стабилдүүлүк эч качан болбойт.
"Азия Ньюс" гезити
