Билл Гейтс: “Ойлонуу үчүн өзүңө бир жума убакыт бер!”
Жылына эки жолу Билл Гейтс баарынан обочолонуп, өзүнө «Ойлонуу жумалыгын» уюштурган.
Бир жума бою үй-бүлө, жумуш, телефон, күнүмдүк түйшүк жок.
Жанында болгону китептер.
Ал убакытты китеп окууга, жаңы идеяларды талдоого, өткөн иштерин талдоого жана алдыдагы долбоорлор тууралуу терең ойлонууга арнайт.
Кызыгы, Microsoft компаниясынын айрым маанилүү идеялары дал ушундай тынчтыкта өткөрүлгөн жумаларда жаралган.
Биз болсо көп учурда: «Ойлонгонго убактым жок» дейбиз.
Бирок балким, бизге дагы кээде баарынан бир аз алыстап, өзүбүз менен өзүбүз калуу керектир.
Телефонду бир четке коюп. Шашканды токтотуп. Китепти ачып. Анан өзүбүзгө бир гана суроо берели: «Мен азыр кайда бара жатам жана чындыгында кайда баргым келет?» деп.
Кээде жашоону өзгөртүү үчүн дагы көп иштөө эмес, бир аз токтоп, туура багытты ойлонуу керек.
