Кайната менен кайненемдин сүрөтүнөн да корком

15-февраль, 20:23

1 903 ᠌ ᠌ ᠌ ᠌᠌ ᠌ ᠌᠌

Мен жашы улуу, акылман, диндар эжелерден кеңеш сурайын дедим. 27 жаштамын, эки кызым бар. Өзүм жоош келинмин. Кайын журтум менен жаңжал чыгып, кайнатам менен айтышып калып, кийим-кечем менен келе бергем. Эми кайтып баргым жок. Жүрөгүм муздап калган. Азыр кайнатам менен кайненемдин сүрөтүнөн да корком. Күйөөм да аларга кошулуп, мени жамандап кала берген. Эми  “кайра жашайбыз, келип ата-энемен кечирим сура” дейт. Күйөөм мени жакшы көрөрүн билем, бирок атасынан коркот. Эми болсо “үйлөнөм, бирок сени, балдарымды карайм, үй алып берем” деп жатат. Анда билбейм жашоом кандай болот? Элестеткенден да корком. Же таптакыр мамилемди үзсөмбү? Менин ордумда сиз эмне кылмаксыз? 

Диля 

"Азия Ньюс" гезити