Жаңы “Эдулар” басып албайбы? Конгантиевдин жерлери, мүлктөрү мамлекетке өтсүн!
Мандатын тапшырган Куванычбек Конгантиев камалды. Элдин талабына жараша! Ага карата “Мыйзамсыз баюу”, “Коррупция” беренелери коюлганы кабарланды. Эми жүздөн ашуун жерлери, имараттары ачык-айкындык менен мамлекетке өткөрүлүшү зарыл. Ортодон жаңы “Эдулар” олжолоп кетишпесин, туурабы?
Натыйжада, Конгантиевге ушунча байлыктарды ыйгарууга жол берген мурдагы мэрлер, азыркысы да барбы (?), айтор, дээрлик жооптуу кызматтардагы адамдар да тергөөгө алынышы керек. Ириде коррупциялык схеманы сындыруу шарт. Анан калса, Куванычбекке окшоп мамлекеттин эсебинен байыгандар да арбын. Алардын да жеп-ичкендерин, оп тарткандарын коомчулукка жарыялап, жазалоо жараянына убакыт келип жетти. Мына ушундай көмүскөдөгү коррупционерлерге карата адилеттүү күрөш башталганда, бийликтин рейтинги өсөт.
