Бай жигитке турмушка чыгып, төртүнчү аялы болгонумду билдим
Мен күйөөмө төртүнчү аялы болуп турмушка чыгыпмын. Баарынан балдары бар. Аялдары менен толук ажырашпай бирөөсүнө жообун да бере элек экен. Бишкекке барган сайын аялдарына жолугат. Бирок мен анча аялы бар экенин кеч билдим. Бир көрүп эле жактырып, турмушка чыгып алгам. Үч ай жашагандан кийин мурунку бир аялы шаарга чакырып, кызыктын баарын ошондо билдим. Азыр бир кызым бар. Баарына ыраазы болуп, чет-өлкөгө чыгып кетейин десем, кызына чыгууга макулдук бербей жатат. "Кете бер, бирок кызды границадан чыкканга уруксат бербейм" деп атат. Акчасы көп. Тааныштары да арбын. Ошого колумдан эч нерсе келбей жатат. Ал болсо баарына колу жете турган адам. Кандай жолду тандасам же башка аялдарынын тынбай чалууларына чыдап жашай берсем түбөлүгүбүздүн түбү болобу?..
Махабат