Кыргыздар акчанын айынан өзүнүн органдарын сатышкан
Казакстандын Шымкент шаарындагы № 1 клиникалык ооруканасынын башкы дарыгери Абылай Донбай укук коргоо органдары тарабынан кармалды.
Ал Өзбекстан, Кыргызстан жана Украинадан келген жарандардын органдарын трансплантация кылуу максатында сатып алып, аны Израилге жөнөтүп турган.
Мындай хирургиялык операциялар 2017-2018-жылдары болгон. Дарыгердин айтымында сырттан келген жарандар өз каалоосу менен органын саткан, бирок алардын аты-жөнү айтылган жок.
Өзбекстан, Кыргызстан, Украинанын жарандары материалдык жетишсиздиктен улам өздөрүнун соо органдарын, көпчүлүгү бөйрөктөрүн саткан. Бул органдарды кайра Израилдин трансплантацияга муктаж жарандары сатып алып турган.
Казак дарыгеринин бул иш аракеттери мыйзамга каршы келгендиктен аны уюшкан кылмыштуулук топтун катарына кошту.
Дарыгердин үстүнөн кылмыш иши козголуп, камакка алынды.
Aryba.kg
