Сизге жылуу пикиримди билдирип, маанайыңызды көтөргүм келди
(Назира Аалы кызына!)
Ооба. Сизди сыртыңыздан баалап жүрөм. Акылдуу, билимдүү айымсыз. Башкаруучулук, чыгармачылык талантыңызды сыйлайм. Менимче, азыркы жумушуңуз менен жөн эле өзүңүздү алаксытып жүрсөңүз керек. (“Манас” улуттук академиясындагы алабарман, түшүнүксүз жаш баладан алда канча бийиксиз, көптү билесиз). Негизи сиз башка жооптуу кызматта иштесеңиз, мамлекетке пайдаңыз тиймек. Бирок азыркы заманда кыйын кадрлар бааланбай, баары өң-таанышка карап, “кол ийрисине тартуу” менен чечилет тура. Өкүнүчтүү. Себеби, убакыт зымырык куштай сызып баратат. Өткөн күндөр кайрылып келбейт эмеспи. Айтмакчы, КТРКда иштеп жүргөнүңүздө, ал жактагы тааныштарым сизди жамандашса, ойлонуп калчу элем. Эки анжы абалда калып. Кийин жөн гана кара пиар жүргөнүнө көзүм жетти. Ар бир адам кемчиликтери жана артыкчылыктары менен баалуу... Ошол кездерде бир-эки курдай жумуш боюнча телефон аркылуу сүйлөшсөк керек. Азыр эстей аласызбы, же маани деле берген эмесизби, так кесе болжой албайм. Болгону сизге карата жылуу пикиримди билдирип, маанайыңызды көтөргүм келди. Баардык нерсе жөнөкөй мамиледен башталган сыягындай...
Жакшы жигит
"Азия Ньюс" гезити
