Күйөөм экинчи аял ала турганын айтты, а мен эшикти бекиттим
Жолдошум менен жашаганыма 12 жылдан ашыптыр, ойлосом көп эле кыйынчылыктарды жеңиптирбиз. Бирок сүйүүбүз өчүп, бала үчүн, намыс үчүн жашап жүргөндөйбүз.
Жакында “экинчи аял алам” деп айтты. Экөөбүз менен тең жашайт имиш. Бирок мен каршы болдум, “бизден кет” деп ачык эле айттым. 4 балабыз бар. Мурда деле көп нерселерин кечирип келгем. Бул жолу такыр эле кечире албай койдум. Жумушка кетип, кайра келгенде үйгө киргизбей койдум. Туура эле кылдым окшойт, же ачууга алдырып жатамбы? Ишенем, мага кылган кылыктарын башкасына да кылат. Убада бере берет, бирок сөзүнө тура албайт. Эми болсо "ит болдум, кечир, кайталабайм" деп жалдырап жатат. 40тан ашса деле акылына келген жок. Кимге айтарымды билбей сиздерге жаздым. Эми кандай жашоо болору да белгисиз....
Зейне