Атамбаев акталса, Бакиевге да жол ачылабы?
Кой-Таш окуясы боюнча соттук өкүм окулбай, кийинки айга жылдырылганы кабарланган. Буга чейин тездик менен процесс уланып келип, эмнегедир финишке келгенде токтоп калды. Айрым маалыматтар боюнча, Алмазбек Атамбаев акталууга жетишсе, анда Курманбек Бакиевди да Кыргызстанга алып келип, саясаттагы кайсы бир тең салмактуулукту сактоо таризинде иш жүргүзүлөбү? Баарыбыз билгендей, коомчулуктун пикири, маанайы Бакиевдердин үй-бүлөсүнө өтө начар. Кеп башталса эле “эски карттар сыйрылып”, жүздөгөн өлүмдөр, кан төгүүлөр боюнча каңырыкты түтөткөн үшкүрүктөр башталат... Азырынча Курманбек Салиевичти Кыргызстанга кайтаруу саясаты тынчып калды. Бул маселе улам көтөрүлгөн сайын эл чуулдап чыгып атканын көрүп атабыз. Балким, бийлик туруктуулукту ойлоп, көпчүлүктүн суроо-талабын эске алаттыр... Анда Ташиев айткандай, Бакиев келсе камалып, жазасын алабы?
"Азия Ньюс" гезити
