Жолдошумду кумар оюнунан кантип алыстатам?

05-июль, 09:00

319 ᠌ ᠌ ᠌ ᠌᠌ ᠌ ᠌᠌

Үйлөнгөнүбүзгө бир жыл болду. Күйөөм кумар ойнойт экен, кредит, карыздары толтура. Иштейт, бирок акчасынын баарын жок кылат. Күйөөмдүн адамдык сыпаты, мүнөзү аябай жакшы. Мамилебиз да жылуу. Бирок, үйдөн чыгып эле жок болуп кетет. Аябай кыйналып кеттим. Үйгө келбей, күндөп-түндөп безгенде жүрөгүмдү оорутат. Күнүмдүк оокат, башка иштер менен иши да жок. Мени бир гана ушул нерсе түйшөлтөт, башынан өткөндөр түшүнсө керек.  

Психологиянын баарын изилдеп, колдондум, жылыш болбой жатат. Ата-энем “балалуу боло электе ажыраш” деп атышат. Ушул нерсени билген, түшүнгөн эжелер, кеңешиңиздерди бериңиздерчи? Учурда кумар, казино оюндарына да уруксат берилүүдө. Меникиндей тагдырга дуушар болгондор кантебиз?..

Айдай 

"Азия Ньюс" гезити