(Видео) ОПГны ким аныктай турганын билбеген Разаковдун кесепети...
Аз күн мурун Жогорку Кеңештен депутат Төрөбай Зулпукаров: “Жеңиш Парпиевич, уюшкан кылмыштуу топтун мүчөлөрүн ким аныктайт?” деп суроо берген. Разаков болсо жеткен сабатсыздыгын көрсөтүп, кайпактап, так кесе жооп бере албай уят болгон. Баарыбыз күбө болгондой, ИИМ башчысы Кашкар Жунушалиевге түртө салып, тилекке каршы, анысы да айландырып, будамайлап, суроого кескин түрдө жооп кайтара албаганы кандай? Таңгаласың, элементардуу соболго какап атышат, анан кайдагы реформаны оозанасыңар? Мына ушундай пенделер күч органдарын башкарып отурганда, ОПГ Бишкек шаарынын чок ортосунан атышып, капсалаңдуу күндү көргөзүп койду. Вице-премьер Жеңиш Разаков менен министр Кашкар Жунушалиев кабинеттеринде көгөрүп отура беришпей, эркекче эле кызматтарынан кетип калышпайбы? “Уялбагандан өзүң уял”, “Эшегине жараша тушагы” дегендей, көөнө элибиздин сөз кудурети да таасир этпей калдыбы?..
Aryba.kg
