(Видео) Акүйдүн алдынан соодагерлер менен милиция жаңжалдашты
Бишкекте “Караван” соода борборунун ижарачыларынын митинги өттү. 100дөн ашуун адам соода борборун электрондук соодадан чыгаруу талабы менен келишти. Буга чейин, Маммүлктү башкаруу фонду турак жай үчүн ижара акысын такай алып турса дагы, ижарачыларды жумуш ордунан кетирүүнү көздөп жатат (!) деп нааразычылыктарын билдирип чыгышкан.
Митинг учурунда чогулгандар менен укук коргоо органдарынын кызматкерлеринин ортосунда жаңжал чыкты. Митингчилердин арасында Түркиянын жараны дагы болгон. Андан милиция документтерин көрсөтүүсүн суранганда баш тарткан.
Такталгандай, чет элдик жаран “Каравандагы” дүкөндүн ижарачысы – жубайын колдоо үчүн келген экен. Аны милиция бөлүмүнө алып кетүүгө аракет кылышканда, митингчилер ортого түшүп, ага уруксат беришкен жок.
“Элдик медиа”