Биздеги аялдардын жоруктары Америкада болсо, ок жаңырышы мүмкүн эле
Америкадагы ютибер-блогер кызыбыз Гүлайым Мурзаева акыркы катталган аялдар жоруктарына кейип, баракчасына пикирин калтырды.
“Акыркы учурда катар-катар катталган аялдардын жоруктары эгерде Америкада катталганда эмне болмок? Полиция кызматкерлерине кол көтөрүп, жаман сөздөр менен тилдеп, намысына шек келтирсең сүрөттөгү адамдардын ордунда сөзсүз болосуң... Дароо колуңду кайрып, наручникти салып, айлана полицияга толуп, ызы-чуу болуп кетмек. Жадагалса ок да жаңырышы мүмкүн. Негизи мындай жоруктарды каралар, жашоосунан тойгондор, ичип, чегип алган бандиттер эле жасабаса... полиция кызматкерлери абдан сылык. Ошого карабай ал келгенге чейин былк этпейсин...
Акыркы видеону көрүп, уялгандан жерге кирип эле кетейин дедим. Аялдарга эмес, өз көзүмө ишенбей кеттим жадагалса. Ушундай аялдар кандай келечек, кандай коом тарбиялайт? Элестете бериңиз эми...”