Акыркы кабарлар
» Коом » Балдар ооруп жатса мектепке жибербегиле!
Балдар ооруп жатса мектепке жибербегиле!
21-сентябрь, 17:40
1 472 ᠌ ᠌ ᠌ ᠌᠌ ᠌ ᠌᠌Бишкек мэриясы балдарда сасык тумоонун белгилери байкалса, мектепке жана бала бакчага жибербөөнү ата-энелерге эскертти. Бул тууралуу мэриянын басма сөз кызматынан кабарлашкан. Эскерте кетсек, мектептер салттуу режимде 15-сентябрдан, ал эми бала бакчалар кечээ, 20-сентябрдан тартып иштей баштады.
“Эгерде бала ооруп калса, тез арада дарыгерди чакыртыңыз. Үй-бүлө карантинге алынган болсо, мектеп окуучусу да, бала бакчага барчу бала дагы коронавирустун алып жүрүүчүсү болорун эстеңиз. Бала өзү билбей айланасына жугузат” деп билдиришти басма сөз кызматынан.
Ошондой эле мэрия шаардыктарга кайрылып, оорунун белгилери байкалса карантиндик режимди сактап, жумушка чыкпоого чакырды.