Асамидин Мариповдун Бактыбеги “майдалыгын” көрсөтүүдө
Нарк билген аксакалдар Асамидин Мариповдун баласы Бактыбекти “майда пенде” катары сыпатташууда. Себеби, өлкөдө башка көйгөйлөр ашып-ташып атканда, бул эргул тилин тебиретип, сөз эркиндигин кысуу, жазмакерлерге кылмыш козготуу демилгеси менен алек экен. Жолуң болгур! Бактыбек Марипов титиреңдеп отуруп алып, өкмөттүн өкүлүнө суроо берип, түпкү маанисинде “жалган жалаа” деген жарлыкты бетке кармоо менен эркин ой жүгүртүүгө жаза колдонуу камында экен. Кимдир бирөөнүн буйругун аткарып атабы, же өзүнүн арты таза эмеспи? Айтор, алаңдап, алдастап эле калыптыр. Арканды алыс ыргыта албай, бийик мырзалык сапаттан ныпым жок, карайлаган бир “майда” тура. “Алма сабагынан алыс түшпөйт” деп бекер айтылбаса керек. Акыл калчагандар Асамидиндин баласына кеңеш беришип, жүрөгүн көтөрүп коюшса...
"Азия Ньюс" гезити
