Жалал-Абад ШИИБ начальниги Мирлан Батыров менен “Дженгонун” мамилеси барбы?
Кара-Суу районунун акиминин орун басары Улан Батыров коррупцияга айыпталып, камалып, ишинен айдалган. Бул эргулдун айыл өкмөт кезинен берки былыктары эл оозунда айтылып келет. Жазасын канчалык таризде алары белгисиз. Айтмакчы, өздүк булагыбыз билдиргендей, оор кылмышка айыпталган Улан Батыровдун агасы Мирлан Батыров Жалал-Абад ШИИБни жетектеп отурса, моралдык жагы кандай болот? Булар “Дженго” каймана атындагы Кадыр Досонов менен мамилелеш болуп келишкенби? Учурда “караларга” байланышкандар талданып, аларга карата күрөш жүрүп жатканда, билинбеген чиновниктер да бар беле? Атайын кызмат кылдат иликтеп чыкса, адилеттүү баа берилеби? Азырынча суроо жолдоо таризинде тизгинди тарта туралы.
"Азия Ньюс" гезити
P.S. Өткөн бейшембиде бул маалымат чыккандан кийин Мирлан Батыров кызматтан алынганы кабарланды.
