Абсаттар Сыргабаевдин министрликти жетектегенге дарамети жетпейби?
“Күрүчтүн арты менен күрмөк суу ичет” дейт. Анын сыңарындай, транспорт жана коммуникациялар министрлигине Абсаттар Сыргабаевдин дайындалганы таңгалычтуу. Мунун жайын айтсак, губернаторлордун ичинен эң алсыз кадр катары бааланып келген. Буга чейин Жалал-Абад облусун жетектеп, өзүн тийешелүү деңгээлде көрсөтө алган эмес. Идея, демилгелерден аксап калганын кантебиз? Билим, тажрыйбасы жетиштүү алкакта өспөгөнүн коллегалары эле каңкуулап калышчу. Ал эми үч жарым жылдан бери Жалал-Абаддын өнүгүп атканы – Камчыбек Ташиевдин иш-аракетине байланыштуу. Бюджеттен миллиарддаган сомдорду бөлдүрүп, андан сырткары спонсорлорду тартуу менен өзгөрүү, өсүү багытында баратат. Бул жагын коомчулук жакшы билет эмеспи. Натыйжада, Абсаттар Сыргабаевдин аймакта иштегени билинбей, тапшырманы гана аткарып келсе, эми транспорт жана коммуникациялар министрлигин кантип жетектейт? Дарамети чектелүү экени даана билинип, уят болбойбу? Эмитен эле коллективи сөз кыла баштады. Аз күндө көрөбүз...
"Азия Ньюс" гезити
