Аксыда окуучу кыздар чачташып, мушташты
Кечээ социалдык тармактарда топтошкон окуучу кыздардын мушташып жаткан видеосу тарады. Бул видеодо топтошкон кыздарды бери жактан уюлдук телефонго башка балдар тартып алышып, аларды сүрөп, шылдыңдап, күлүп жаткан үндөрүн угууга болот.
Суунун жээгине барып, чачташып, мушташкан кыздар Аксы районунун Жаңы-Жол айылындагы Жоробек Мамытбеков орто мектебинин окуучулары экени айтылууда. Окуя 18-ноябрда болгону жазылган.
Бул кыздар атайын суунун жээгине чогулуп, сөгүнүшүп, кийин мушташып, чачташып жатканын көрүүгө болот.
Мектепте окуучу кыздардын мындай кылыктары социалдык желелерде катуу талкууга алынууда. Жергиликтүү милиция бул боюнча иликтөө иштерин баштаганын айтты.
Ал эми кыздардын эмне талаш-тартышы бар, канчанчы класста окушат азырынча белгисиз.
Aryba.kg