Таалайбек Сарыбашевдин Оштогу селден пиар кылуу аракети суу кечкен жок
Ушундай. Ошто сел жүрүп, кырсык болуп атса, Таалайбек Сарыбашев өзүн пиар кылдырып, Ак-Буура дарыясынын жээгин убагында бийиктеткенин жаздырып, жандалбас кылууга аракет жасады. Тилекке каршы, андай жеңил мүнөздөгү далалаты суу кечпеди. Адамдар набыт болушуп, үйлөр талкаланып, базарда товарлар агып, материалдык жоготууларга тушугушту. Мындай шартта мамлекеттик органдарга жапатырмак жардам көрсөтүү керек. Кайсы бир чиновниктин мурдагы ишин салыштырып, оозду чойгон жарабас! Жаратылыш кырсыгы айттырбай келет. Ага карата алдын ала сактануу, кооптуу жерлерге тосмо орнотуу парз. Же элди коопсуз жерлерге көчүрүү максатка ылайык. Тескерисинче, Таалайбек Сарыбашевдин Ак-Буура дарыясынын жээгине таш тиздирген жаранамасы өтпөй калып, “жалп” эте өчкөндөй болду. Апаатта акыл-эстен тайган гана адам жеке кызыкчылыгын көздөсө керек, бул калпыс көрүнүш да!
"Азия Ньюс" гезити
