К.Токаев экс-президент Назарбаевдин аманатын С.Жээнбековго жеткирди
Бүгүн иш сапар менен Кыргызстанга келген Казакстандын президенти Касым-Жомарт Токаев мурдагы президент Нурсултан Назарбаевдин аманатын президент Сооронбай Жээнбековго жеткирди.
Казакстандын президенти К.Токаев бул аманатты эки тараптуу кеңири жыйында билдирди. Анда ал Кыргызстан менен Казакстандын мамилесинин жакшы жолго салынышына, эки мамлекеттин достугунун бекемделишине Нурсултан Назарбаевдин салымы чоң экенин баса белгилеп, Сооронбай Жээнбековго жолдогон саламын айтты.
Токаев: “Ал сизге өзүнүн ысык саламын айтты, аны мен сизге жеткирдим. 2017-жылы Назирбаев жана сиз кыргыз-казак чек арасын толук тактадыңыздар. Бул дүйнө коомчулугуна коңшулук мамиленин эң жакшы жетишкендиги экенин көрсөтө алды“, — деди.
Алдыда бир нече документтерге кол коюлары күтүлүүдө.
Эскерте кетсек, бүгүн алты мамлекеттин башчылары чогулуп, ЖККУ саммити башталып, сүйлөшүүдө.
