Бакир Кулжановдон кагуу жеген Октябрь Урмамбетов тизгинин тартса...

Бул боюнча Жалал-Абад облусунан кат келиптир. Кеч болсо да адилеттик үчүн мазмунун кыскача чагылдырып коёлу. ИИМ орун басары Октябрь Урмамбетов өткөн айларда жыйын өткөзүп, Жалал-Абад ОИИБ орун басары Бакир Кулжановдун формасына асылып, кемсинтип сүйлөйт. Жалпы өздүк курамдын астында. Мындай текеберликке чыдабаган полковник да ачууланып, Октябрь Урмамбетовго каяша айтып, ордуна койгону көпчүлүктү таңгалдырат. Бирок ызасы ичинде калган ИИМдин орун басары тынчыбай, Бакир Кулжановдун артынан сая түшүп, ар тарабынан кысып, кызматтан кетирүүгө мажбур кылганы кандай? Урмамбетов жеке амбициясы менен эле ким жакпай калса куугунтукка алып, “билген жармасын чала береби”? Абаларга таянып алып ашына берсе, бир күнү аңга түшүп калбайбы? Тизгинин тартса...
А баса, ИИМдин жол кыймылынын коопсуздугун камсыздоо башкы башкармалыгына жасаган интригаларына, “арттан бычак саюу” амалдарына шашпай токтолобуз.
"Азия Ньюс" гезити