«Баш ийбейм, чай куйбайм, онду төрөбөйм!» жөө жүрүшү жакында кайталанабы?

26-февраль, 22:25

1 039 ᠌ ᠌ ᠌ ᠌᠌ ᠌ ᠌᠌

2020-жылдын 8-мартында аялдарга карата көрсөтүлгөн зордук-зомбулукка каршы Бишкекте жөө жүрүш өтөт. Бул тууралуу өзүнүн Facebook баракчасына “Бишкек феминисттик демилгелери бирикмеси” жазып чыккан.

Алардын айтымында, жөө жүрүш 8-мартта саат 12:00дө Чүй проспектиси менен Тоголок Молдо көчөсүнүн кесилишинде старт алат. Эскерте кетсек, өткөн жылы аталган жөө жүрүш ызы-чуу менен коштолгон. Анда Кыргызстандагы кумсалардын укугун коргогон «Лабрис» аттуу уюм катышкан. Алар жөө жүрүштө өздөрүнө таандык байрактарды көтөрүп чыгышкан. Жөө жүрүшкө чыккандар “Мен онду төрөгүм келбейт”,  “Баш ийбейм, чай куйбайм”, «Тамак жасаба, арыктаба, баш ийбе», «Аял, сенин ордуң Акүйдө» деген транспаранттарды көтөрүп, коомчулукта талкуу кызуу болгон. 

Aryba.kg