Меценат Рустам Маманов түрмөдөн чыкса Сокени “өлтүрөбү”?
Үч жылга жакын убакыттан бери меценат Рустам Маманов түрмөдө жатат. Аферисттердин жалган жалаасынын курмандыгы болгону, о.э. эски бийликтин кысымына кабылганы каңкууланган. Октябрь төңкөрүшүндө Маманов саясый туткундардын шары менен эркиндикке чыгып, баягыдай эле Эркиндик бульварында сейилдеп, кайра УКМКнын абагына киргизилиптир. Эч жакка качып кеткен жок. Соттун адилеттүү чечимин күтүп отурат. Кандай күндө да, иши адилеттүү каралышына тилектешпиз. А баса, Рустам мырза түрмөгө жатканы дерзкий болуп, мүнөзү катаалдаша өзгөргөнүн байкадык. Кыялы чукулданып, ызырынып кетмей жайын байкашыптыр. “Түрмөдөн чыксам Сокени “өлтүрөм” дегени кандай? Кулаган бийлик кыйла кордук көрсөткөнбү? Кыскасы, башы аман болсо Рустам Маманов “жарк” эткен күндөй чыга келсе керек. Ошондо көп нерсени териштиребиз...
"Азия Ньюс" гезити