Арадан 102 күн өттү, кайра эле коронавирус...
Жаңы Зеландиянын премьер-министри Джасинда Ардерн өлкөдө 102 күндөн кийин коронавирус жуккан учурлар катталганын айтты. Сovid-19 жуккан бейтаптар эл аралык саякаттарга барбаганы билингенден кийин ооруга даярдыкта турууну маалымат жыйыны аркылуу билдирди. "Биз бул абалга даяр болчубуз. 102 күндөн кийин кайра катталды. Бул боюнча пландарыбыз бар” деди ал.
Өлкөдөгү ири Окленд шаарына чектөөлөр киргизилет. Жарандарга ишке жана мектептерге барбоо талабы коюлду. Шаарга кирүүгө, чыгууга тыюу салынды. Саламаттык сактоо министри Ашли Блумфилд билдирүү жасап, “оору катталган адамдардын бирөө да башка мамлекеттерге саякатка барган эмес. Вирусту башкалардан жуктурган болушу мүмкүн. Андан улам жаңы учурлар катталышы мүмкүн. Ага даяр турушубуз керек” деди.
