Акыркы кабарлар
» Саясат » Генерал-депутат Сүйүн Өмүрзаков позициясын курчутабы?
Генерал-депутат Сүйүн Өмүрзаков позициясын курчутабы?
06-февраль, 09:00
Акыркы жылдары Сүйүн Өмүрзаков парламентте ийгиликтүү иштеп, орточул позицияны кармаганга аракет жасап, күйөрмандарынан, электоратынан колдоо ала баштаган. Дээрлик коомчулук тарабынан да ишмердиги калыс бааланганы ырас. Ал эми саясаттын жазылбаган мыйзамына келсек, башынан эле алдыга умтулгандарды артка тартуу, басынтуу боло келген да. Бул саам дагы генерал-депутаттын таасирин азайтуу, тизгиндөө жагы күчөй береби? Эгер күч органдары тарабынан Сүйүн Өмүрзаковго басым жасала берсе, кандай кадамга барышы мүмкүн? Унчукпай калабы, же конструктивдүү оппозициялык маанайга өтөбү? Көрө жаталы. Саясый күчтөр, элибиз да баам салып турган чагы.
Айтмакчы, 2010-жылдагы төңкөрүштөн кийин Сүйүн Өмүрзаков Оштун милициясын башкарып, коомдук-коопсуздук абалды бекем көзөмөлдөп, ошого катар саясый тирешүүлөрдү да жайгарганы эсибизде. Аброю артып, көп өтпөй генерал-майор чин-даражасына жеткен. Андан соң ИИМдин 1-орун басарлыгына дайындалып, арбын жыл иштеп, тажрыйбасы артканы белгилүү."Азия Ньюс" гезити
