Акыркы кабарлар
» Саясат » Имамидин Ташов алдамчы, мындай жүүнү бош “куурчак” төңкөрүш жасай албайт
Имамидин Ташов алдамчы, мындай жүүнү бош “куурчак” төңкөрүш жасай албайт
24-январь, 09:00
Негизи Имамидин Ташовго карата УКМКнын териштирүү иш-аракеттери туура эле. Ал буга чейин курган ар бир үйүндө көйгөй жаратып, мыйзамга, жашоо эрежеге ылайык тийешелүү оңдоп-түзөө иштерин аягына чыкчу эмес. Бүтүргөн объекттеринин документтери да убагында жасалбай, тургундардын кыйналып келишкени маалым. Ошонун айынан коммуналдык төлөмдөр жогорку баада, өндүрүш багытында бааланчу. “Айта берсе арман көп” дегендей, Имамидин кардарларын дайыма нааразы кылып, чала-чарпыт иши менен таанылган. “Азия Ньюс” гезити “Kg групп” компаниясынын алешемдиктери боюнча төрт-беш жыл мурда эле жазып, Ташов элдин убалына калып атканын бир канча ирет коңгуроо катары каккан. Натыйжада, кеч болсо да бийлик козголуп, жазага тартууга киришкени туура. Ишкерликтин терисин жамынган алдамчыга мыйзамга ылайык териштирүү жүргүзө беришсин. Аныгында, Имамидин Ташов эч убакта саясатчы боло албайт, анын эрки, жөндөмү жетишсиз. “Куурчак” сыңарындай гана баалай алабыз. Төңкөрүштү мындай жүүнү бош адам жасай албайт... "Азия Ньюс" гезити
