Бабанов УКМКны жоюу менен кылмыш иштеринен кутулуп кетүүнү көздөдүбү?
Үгүт иштерине карай Өмүрбек Бабанов көшөгө артынан “дирижерлук” кылып, “Республика” партиясынын тыңчыкмалары аркылуу көксөөсүн кандырып атканы кандай? Маселен, аз күн мурун Мирлан Жээнчороев “УКМКны жоюш керек” деп чыкты. Эмне үчүн? Себеби, ал жакта Бабановго каршы козголгон бир канча кылмыш иштери бар. Мына ошолордон кутулуп кетүүнүн амалында эле “ойной” беришкени кантип болсун?.. Учурда УКМК мурдагыга караганда реформага ык коюп, кадрдык тазаланууга баратканы байкалат. Эсиңерде болсо, Абдил Сегизбаев, Болот Сүйүмбаевдер жетектеп турганда кандай эле? Коркутуп-үркүтүшүп, зордук менен акча жасашканын уккансыңарбы? Агезде репрессиялык камакка алуулар күчөгөн. Азыр болсо салыштырмалуу оңолуу жолуна түштү. Эң башкысы, улуттук коопсуздукту сактоодо аталган система иштеп атат, туурабы?.. Анан эми Бабановго УКМК жакпай калса эле жоюп жиберүү (!) деген оюнчукту талкалап салгандай образдуу көрүнүш го?..
Aryba.kg