(Сүрөт) Аида Касымалиева депутат болгону канча килограммга семирди?
Бир жолу депутат болгон адам мөөнөтү бүткөндөн кийин кайра эле жүткүнө бергени эмнеси? Себеби, мандат кумары күчтүү. Той-аштарга барганда “депутат” деген аты бар. Астында машина белен, мамлекеттен бензин куюп берет, жардамчысы, шопуру бар. Айлыгы арбын. Отпускнойду олчойто алат. Командировкага байма-бай чыгып турмай. Турист катары чет өлкөлөрдү кыдырат. Отурган жери Акүй. Айтор, жыргализм жашоо да...
Мына ушундай чартаңбай тепкен “замандан” ким эле баш тартсын? Вице-спикер Аида Касымалиева экинчи ирет парламенттик шайлоого аттанды. Колдо шанс турганда кое берген оңобу? Калыстык үчүн баса белгилеп коелу: Аида Касымалиева башка аял депутаттарга караганда өйдө турат, жүнү тирүү, билими бар, сергек. Активдүү иш алып барат. Бирок, кошомат кылуу, сатып кетүү жагынан алдына ат салдырбайт эй! Мурда Алмазбек Атамбаевдин тилин таап, депутат болсо, азыр да жогор жактагыларды ынандырып, бал тилге салуу менен жол тапкычтыгын көрсөттү. Баракелде! Эч кызганыч жок. Кызыгы, бул бийлик кеткенден кийин башкалары келет, аларга кантип жармашат болду экен? Же “сыйкырчылык” өнөрүнө салуу менен арбап алабы?..
Төмөнкү сүрөткө көңүл бурсак, Аида айым 2017-жылы жаңы депутат болуп келгенде арыкчырай экен. Азыр болсо балчайып, жакшы эле семириптир. 20 килограммдай салмак кошкон го? Кыязы, мандат минип отурган жаккан окшойт. Эми да депутат болсо, эттүүлүгү 100 килораммга чыгабы?..
Aryba.kg
