Азамат Токтоналиев кызмат абалын кыянат пайдаланып, кылмышка кириптер болдубу?
2022-жылы түрк ултундагы адам жергиликтүү бизнесменди ири суммадагы акчага алдап кетип, кылмыш иши козголгону айтылган. Аныгында, олуттуу суроолор калкып чыгууда... Жакынкы октябрь айында ал шылуун кармалып, Бишкек ШИИБнин убактылуу кармоочу жайына киргизилип атканда, начальник Азамат Токтоналиев тергөөчүгө чалып, каматпай токтотуп калганбы? Бошонуп кеткен алдамчы түрк качып жоголдубу? Шектүүгө эркиндикти белек кылып, кызмат абалынан кыянат пайдаланууга бардыбы? Эгерде кылмыш ишин Токтоналиев баш болуп жашырып-жаап атса, ИИМдин ички иликтөө кызматы менен УКМК текшерүүгө алып көрүшөбү? Мындай каңшаар Бишкек ШИИБнин өздүк курамы ичинде талкууланып атса, анда сары изине түшүү керек го? Эгерде Азамат Токтоналиев өзү кылмышка кириптер болуп атканы аныкталса, жазасын алыш керек да, туурабы? Адаттагыдай саресеп сала туралы.
"Азия Ньюс" гезити
