Өкмөт башчысына Марат Султановдун даярдала баштаганы кайрадан талкууга чыкты
Ооба, бирок ачык коомчулукта эмес. Саясый интеллигенциянын тар чөйрөсүндө экс-спикер, финансист Марат Султановдун өкмөт башына келери болжонууда. Мурда эле айың-кептер башталганын биз да жазганбыз. Азырынча ооматты күтүп отурабы? Саясый чөйрөдөн алыстап кеткен Марат Султановдун аялы менен Айгүл Жапарова ынак курбуга айланып, бат-баттан жолугушуп турарын айтышууда. Ал ушул байланыштары аркылуу президентке жакындап, өкмөттү жетектеп калышы мүмкүнбү? Акылбек Жапаровдон ишкерлер, коомчулук тажап турганда “кан жаңыртуу” орун алабы? Күндүн жылуулугу менен бүгүнкү өкмөт кышка жеткени менен жазда абалы оорлошуп, карапайым элдин нааразычылыгын жаратары аныкпы? Балким ошол маалда Акылбек Жапаровду “садага чабышабы”? Ага жетпей да калышы ыктымал. Күтө туралы.
"Азия Ньюс" гезити
