Аспеков тымызын түрдө Ташиевге каршы криминалды топтоо үчүн камалдыбы?
Активист Мелис Аспеков тымызын түрдө Камчыбек Ташиевге каршы балдарды топтоого аракет кылганы, ошонун негизинде камалганы аныкпы? Ал ажого таянуу менен досуна каршы чыкканбы? Бул суроолор көмүскөдөн кайнап, тар чөйрөдө айтылууда. Сыртынан эки башчынын мамилеси дурустай эле көрүнөт. А ички интригаларды коомчулук терең билбейт да. Аны жандагандар, эки достун тегерек четиндеги айрым интригандар гана жыбылжыта козутууга далалат кылышпаса... Ошентип, Мелис Аспеков кайрадан камакка алынды. Анын вотсап аркылуу сүйлөшүүсүнөн алсак, түрмөдө жаткан таанышынан жүз чакты баланы топтоого макулдашып атканы байкалат. Алар криминалдарбы? Аудиожазууда Аспеков эки жактын каршылашып атканын да эске салганы бар. Айтор, от менен ойногондой элес калтырды. Көп нерсе ачыкка чыккан жок.
"Азия Ньюс" гезити
