Казинолордо “жасалма” он чакты кытайдын жүргөнү, чыныгы кардарлардын кечиккени кызык
Молдокелер ашкере каргап коюшканбы, айтор, Бишкекте ачылган казинолор ийгиликтүү иштебей, арабөк абалда калууда. Эмесе, бул жагын чечмелеп коёлу. Болгону он чакты кытай улутундагы жарандар улам бир казинону кыдырып ойношуп, алар атайын жалданма сыяктуудай сезилишип, чыныгы кардарларды тарта алышпай убарага батышыптыр. Сырттан чет элдик байлар, туристтер келбей жатышканы, баштагы божомолдор суу кечпей калганы ушулбу? Казино ачса эле миллиарддар агыларын жогорку чиновниктер да айтышкан. Тилекке каршы, чер жаза турган кумарпоздор Казакстандын Капчагайына кетишип, Бишкекке көнө албай жатышканы кандай? Сыягы, соңку жылдары ири долбоорлор байма-бай айтылып, дүңгүрөгөн жарнамалар менен коштолсо да, реалдуу турмушта ишке ашпай жатканы эмнеси? Чыныгы менеджер, ишбилги профессионалдар бийлик командасына жетишпей жаткандай...
"Азия Ньюс" гезити
