Элчибек Жантаев Оштун эмес, соцтармактын губернатору болуп алды
Башында кабинетинен чыкпай отурган Ош облусунун губернатору Элчибек Жантаев соңку мезгилде эл аралап, жолугушууларды уюштурууда. Арыз-муң, даттанууларды уккан жакшы дечи, бирок дээрлик көйгөйлөрдү чечүүгө шаасы жетпей атат. Ооба, чындыгы ушундай. Карапайым калктын турмушун жакшыртуу үчүн ири инвестицияларды тартып, жумуш орундарын камсыздоо зарыл. Мындай ийгиликтерди жаратууда жаратмандык жана эл аралык аброй керек. Бизде андай лидерлер өтө сейрек, жокко эсе. Ал эми Жантаев жанын сабаса да жаркын келечекти тартуулай албайт. Тек гана кабинет кайтарып, кирип-чыгып адамдар менен учурашып, убакытты уттурууда. Идирексиз болсо, ийгиликтүү идеялар чыкмак беле? Тек гана эл менен жолугушканын сүрөт, видеого тарттырып, соцтармакка жайылтат, чоңдоруна отчёт берет ж.б. майда иштер менен алек. Ушундай. Башка эмгегин көрө алган жокпуз.
"Азия Ньюс" гезити