Акыркы кабарлар
» Саясат » Депутат Исхак Масалиев атасынын аброю менен камалбай калышы мүмкүн
Депутат Исхак Масалиев атасынын аброю менен камалбай калышы мүмкүн
20-июнь, 19:30
Парламенттин жайкы каникулуна чейин Адахан Мадумаровдун камалары күтүлүүдө. Башкы прокуратура эки кылмыш ишинин алкагында кол тийбестигинен ажыратууну көздөп, коллегаларынын уруксатын күтүп атат. Жай чилдеге жакын, саясый сезондун солгундаган маалына болжонгонун карагылачы? Ошентип, депутаттык комиссия Адахан Мадумаровдун тагдырын чечип берсе, башкы прокурор Курманкул Зулушев “кууратса” керек. Түрмөгө тыгып. Мындай жагдайда экинчи “чаар баш” Исхак Масалиев эркиндикте калып, күбө катары өтөрү болжонууда. Оппозициялык маанайдагы саясатчы, “Бүтүн Кыргызстан” фракциясынын белдүү эл өкүлү эмеспи. Исхак мырзаны камоого бийликтегилер даашпай, бир чети атасы Абсамат Масалиевдин түштүктөгү аброюн ойлошуп, кол шилтеп коюшкандай. Кыскасы, Жогорку Кеңештеги бийликке акаарат келтиришкен депутаттардын тагдырларынан азыноолак ой калчадык. Логикалуу бекен? "Азия Ньюс" гезити
