Акылбек Жапаров, элди дагы эзе түш!

14-март, 09:00

705 ᠌ ᠌ ᠌ ᠌᠌ ᠌ ᠌᠌

Көп кабаттуу үйлөргө болгон жылуулук баасын эки эсеге кымбаттатып, кыштан бери төлөм акысына нааразы болгондор арбыды. ККМ жана салыктын баардык түрлөрү көтөрүлдү. Ишкерлер тиш кайрап отурушат. Эки айдан кийин электр энергиясынын тарифи 1 сомду чапчыйт. Жол эрежесин бузган айдоочулардын айып пулдары үстөккө-босток кошулуп баштаганы бир балээден кабар бербейби? 15-20 миң сомдон төлөп отурсаң. Үч ирет жаза баскандан кийин айдоочулук күбөлүгүңөн ажырайсың. Кайрадан экзамен тапшыруу, тааныш издөө, пара берүү... Кыязы, кыямат заман келатат окшойт. Максим Бакиев да карапайым калктын жонунан кайыш тиле баштаганда, 7-апрелде төңкөрүш оту тутанганы эсиңердеби? Кудай сактасын! Алдыда эмне болорун ким билет?.. 

"Азия Ньюс" гезити