Жеңиш Абитов Жалал-Абад ОИИБге жан киргизип, татыктуу кызмат көрсөтүүдө
Көздүү мончок жерде калбайт тура. Жалал-Абад ОИИБ начальниги Жеңиш Абитов ишин жигердүү баштады. Шаардык, райондук милиция бөлүмдөрүн тегиз кыдырып, дээрлик көйгөйлөр менен таанышып, алдыга карай алгылыктуу пландарды койду. Коомдук-коопсуздук абалды жакшыртуу, мыйзамдуулукту камсыздоо, өздүк курамдын кем-карчын чечүү, чарбалык абалды оңдоо, айтор, дээрлик өзгөрүүгө, реформага кадам таштаганы кубандырат. Милиция менен элди жакындатуу, профилактикалык иштерди жүргүзүү, кылмыштуулуктун алдын алуу аракеттери ыраатка салынууда. Көз карандысыз талдоочулар белгилегендей, Жалал-Абад ОИИБге жан кирип калганы айтылууда. Кудай буюрса, Жеңиш мырза дайрадай чоң аймактын жүгүн көтөрүп, мамлекеттин өнүгүшүнө, туруктуулукту камсыздоого, дегеле эл үчүн татыктуу кызмат кылууга бел байлады. Ак эмгектин акыбети кайтат эмеспи, келечекке карай эчен ашууларды ашары шексиз. Көз тийбесин!
"Азия Ньюс" гезити
