Ташиев “сүзүп” койгондон кийин Масадыков оңбой калыптыр

Коопсуздук кеңешинин төрагасынын орун басары Таалатбек Масадыков Баткенде согуш башталганда ишмердигин көрсөтө албады. Алтургай элибиздин таламын талашпай койду, жарытылуу сөз да айткан жок. “Аты улук, супарасы курук” креслодо эмне кылып отурат? Көрсө, жеке керт башын жарнамалоо үчүн тили гана иштейт тура. А реалдуу кызматта, элдин жүгүн тартууда нөл! Айтмакчы, алгач коопсуздук кеңешинин төрагасынын орун басары болгондо маек берип, Камчыбек Ташиевге тийише койгон эле. Ич ара териштирүүлөр катуу жүргөнүн укканбыз. Кийин билдик, ошондо Ташиев катуу “сүзүп” коюптур, баш көтөргүс кылып. Бир күйгөн оттой эле өчүптүр... Эми маанисиз кызматтын атын жамынып, кайкалап жүрө бербей кетпейби? Ушул сыяктуу кадрлар Акүйгө толуп алышып, бийликтин рейтингин түшүрүп бүтүшкөнү калышты...
"Азия Ньюс" гезити