Табигаттын селин саясатка айландырган “оозу сасык” динчилдер көбөйдү
Негизи Кыргызстанда радикалдуу исламчылардын ар кандай агымдары арбып, баскан-турган сайын эле караңгылыкка, өткөн кылымдарга тартышчу болду. Маселен, Боомдогу улам кайталанган селди, жер көчкүнү өздөрүнүн акыл парасаттарына жараша жоруп жатып калышты. “Казинонун ачуу үчүн кырсыктар көбөйдү. Бийлик күнөөлүү. Эсиңерге келгиле, Аллах, Аллах!” деп эле соцтармактарда кыйкырып атышат. Кызык, ириде казино туристтерге иштейт, кыргыз жарандары кирбейт. Азырынча качан ачылары белгисиз. Жаратылыш кырсыктарын башкага жорусак, казиного тек гана караңгылык көз карашта жармаштыра берүү логикага сыябы? Мамлекеттин саясатына, экономикалык иштерге ашынган динчилдер аралашып, аша чаап баратышканы өкүнүчтүү! Элдин башын айланткан дааватчыларды күч органдары тыйып койбойбу?
"Азия Ньюс" гезити
