Руслан Акматбек: “Бизде маселе ЖМКга же митингге чыкканда эле чечилип жатат”

28-июль, 23:22

2 027 ᠌ ᠌ ᠌ ᠌᠌ ᠌ ᠌᠌

Сөз эркиндигинен пайдаланып, айрым маселелерди көтөрүп чыкпасак, дээрлик көпчүлүгү жабык бойдон калууда. Бул тууралуу экономист, жарандык активист Руслан Акматбек билдирди. Анын айтымында, тийиштүү органдар чындыкты төгүндөгөнү менен абал өзгөрүп кетпейт.

“Ички иштер министрлиги же өкмөт “ал андай эмес” десе, ошондой болбой калабы? Маселе козголуп, көйгөй жаралганда, өкмөт “андай эмес, мындай” деген принципке өтүп алды. Тескерисинче, эл өкүлдөрү, укук коргоо органдары, бизнес коомчулук чогулуп, көйгөйдү талкуулашы керек. Ар бир ишкер “эртең эмне болом?” деп кооптонуп калды. Ал эми мамлекет көйгөйдү чечүүгө далалат кылбай жатат” деди Акматбек.