Тамара Абдуллаеванын кооптуу аракеттери мыйзамдуу каралабы?
Адвокаттар биримдигине, Жалал-Абад сотуна кулак кагыш. Тамара Абдуллаева мүлк талашууда алдамчылыкка барып атканы, мыйзамды аттап өткөнү ыраспы? Ошого катар этикадан сырткары каршылашына орой мамиле жасаганы, басым кылганы, ден соолукка залал келтиргени медициналык справкалар аркылуу тастыкталса, жооп береби? Адамдын ар-намысына шек келтирүү, соттун чечими жок айыптоого укугу жок. Этика, мыйзам бузуу кандай каралат? Негизи эле Тамара Абдуллаева аралашып аткан соттук процесске мыйзамдын алкагында көзөмөл жүргүзүлүп, укуктук жактан калыс баа берилиши зарыл. “Бир карын майды бир кумалак чиритет” дейт. Тазаланабызбы? Бул боюнча учурда коңгуроо кагып турган чагыбыз. Себеби, коомчулукта соттордон, көз будамайлаган адвокаттардан, жогору жакта таанышы барлардан жабыркагандар абдан көп. Ошолордун ичинен күйүп аткан адам укугу боюнча алдыда да кенен сөз болот.
"Азия Ньюс" гезити
