Бозулан Мамазаировдун Кыргызстандагы байлыктары мамлекетке өткөрүлөбү?
Эсиңерде болсо, алкомагнат Шаршенбек Абдыкеримовго карата издөө жарыяланып, бирок ал колго түшпөй койгон. Тергөөнүн жүрүшүнө карай бүтүндөй байлыгы мамлекетке өткөрүлгөнү белгилүү. Мына ушундай практиканы улай дагы бир бизнесмендин тагдыры жарга асылабы? УКМК тарабынан Бозулан Мамазаировго да издөө иштери жарыяланды. Ага караштуу “Жаннат”, “Монте Карло”, “Таш-Рабат”, “Жаннат Резорд” ж.б. ири бизнестери бар эле. Кылмыш иши “МБЭ Групп” компаниясына козголуп, кооммерциялык жайды рейдерлик жол менен басып алууга айыпталууда. Аталган имаратты М.Б.Э маркум кримавторитет Камчы Көлбаевдин жардамы менен тартып алганы кабарланды. Бул адам – Мамазаиров Бозулан Эркинович экени айкын. Ал чет өлкөдө башка бизнестери менен алектенип жүргөнү айтылып келет. Натыйжада, Кыргызстандагы Бозуланга байланыштуу байлыктардын баары мамлекетке өткөрүлөбү? Себеби, буга чейинки иш жүзүнө ашкан демилгелерди эске алсак, так ушундайча өнүгүп келген эле...
