Кечээ коррупцияга айыпталган Алмаз Бейшеналиев акыл үйрөтөт
Экс-министр Алмаз Бейшеналиев башында турган “Устаттык өнөр” аттуу эки айлык курска каттоо башталганы соцтармакка жарыяланды. Бир катар эмгек сиңирген мугалимдер менен биргеликте шугулданышат экен. Кызык эле. Эсиңерден чыкпаса, Алмаз Бейшеналиев билим берүү жана илим министри болуп турганда коррупцияга айыпталып, камалып кеткени маалым. Ири көлөмдөгү акча алуу боюнча видеосу да чыккан. “Адалсынган молдонун үйүнөн алты камандын башы чыгыптыр” дегендей, коомчулукта Алмаз Бейшеналиевдин кармалышы чоң резонанс жараткан эле. Мына ошол адам учурда жаштарга курс ачып, багыт көрсөтүп, окутуп, ачылыштарды жасап жатса, кандай баа бересиңер? “Үйрөнгөн адат калабы, уйга жүгөн салабы?” дегендей, эски илдеттерин кантебиз? Жугузбайбы? Кандай болгон күндө да, моралдык жагы бар да. Жаштар терс үлгү албайбы? Ыңгайсыз суроолор арбын...
"Азия Ньюс" гезити
